قصيدة باللهجة الفلسطينية البدوية

وينك يا ابو عمار ؟ّ!

تابعنا على:   23:47 2021-06-23

د. عبد القادر فارس

أمد/ وينك رُحت وسِبتنا يا ابو عمار
البلاد والله من بعدك ما هي دار
ورَبعك تقَسَّموا يا حِيف يا للعار!!
***
شعبك تِيتم يوم ما غاب البطل
وشوف شو صار فينا يا خِتيار
ما عاد لنا قِيمة وطوّل المشوار!!
***
أبو عمار إحنا اليوم بِنِشتاقلك
صوتك كان يِونِسنا ليل نهار
يِهِّز فينا النخوة ودعوة الثوار!!
***
عقالك كان أكبر رمِز للأحرار
القدس قُلت هَمَّك وترابها يلِمَك
والنِدا من تِمّك يِشعِل فيها نار!!
***
العدو ما عاد خايف يا أبو عمار
حرب وقَتِل ضارب علينا حصار
وعرب تطبيع ما يِستحوا من عار!!
***
قُوم انهض من لحدَك يا أبو عمار
الوطن بِينادي وين راحوا الرجال
بعدك يا ياسر نِسِينا صوت الثار!!

اخر الأخبار